E-Partners — 360° biznes konsaltinq
Yeddi fərqli sahədə konsaltinq təklif edən şirkət üçün tək səhifəli təqdimat saytı. Çərçivə (framework) olmadan qurulub — yüngül və sürətli.
Canlı sayta bax- Müştəri
- E-Partners — 360° biznes konsaltinq şirkəti, Bakı
- Rol
- Frontend development — səhifə strukturu, tərtibat, çoxdilli mətn quruluşu və deploy.
- Stack
- HTML · CSS · JavaScript
- Tarix
- Oktyabr 2025
- Dil
- 1 — AZ
- Lighthouse (mobil)
- 93
- Lighthouse (masaüstü)
- 99
Yeddi ayrı sahədə xidmət göstərən konsaltinq şirkətinin əsas riski dağınıq görünməkdir: siyahı uzandıqca ixtisas hissi azalır və ziyarətçi «bunlar hər işi görürlər» nəticəsinə gəlir. Sayt genişliyi zəiflik kimi yox, mövqe kimi təqdim etməli idi.
- Tək səhifəli axın: təklif, haqqımızda, xidmətlər, üstünlüklər, əlaqə
- Yeddi xidmət sahəsi: maliyyə, marketinq, hüquq, insan resursları, İT, satınalma, təlim
- Şirkət dəyərləri və məqsəd bölməsi
- Mobil uyğun quruluş
- Üç dil (AZ / English / Русский) başlıqdakı seçici ilə
- Hər xidmət sahəsi altında altı konkret iş maddəsi — ümumi ifadə yoxdur
- Altı üstünlük bloku: çeviklik, sənaye təcrübəsi, fərdiləşdirmə, müştəri mərkəzlilik, innovasiya, 24/7 dəstək
- Tam əlaqə bloku: iki telefon nömrəsi, e-poçt və ofis ünvanı
Niyə çərçivə istifadə olunmadı?
Sayt tamamilə statik məzmundan ibarətdir — dinamik data, forma məntiqi və ya istifadəçi hesabı yoxdur. Belə layihəyə React qoşmaq ziyarətçiyə heç bir fayda verməyən JavaScript yükləmək deməkdir. Sadə quruluş burada həm daha sürətli açılır, həm də illər sonra saxlanılması asan olur.
Yeddi xidmət, bir axın
Şirkət çox sahədə işləyir və bu, mesajı dağıda bilər. Xidmətləri ayrı səhifələrə bölmək əvəzinə vahid axında saxladım — ziyarətçi hamısını ardıcıl görür və şirkətin "tək nöqtədən 360° həll" mövqeyi elə struktur vasitəsilə çatdırılır.
Xidmətlər maddə-maddə yazıldı
«Hüquq xidmətləri» ifadəsi heç kimə heç nə demir. Ona görə hər sahə altında altı konkret iş sadalanır — müqavilələrin hazırlanması, vergi və gömrük prosedurları, lisenziyalaşdırma, məhkəmələrdə təmsilçilik kimi. Ziyarətçi öz problemini sözbəsöz siyahıda görəndə əlaqə saxlamağa hazır olur; ümumi başlıq isə onu «zəng edib soruşum» mərhələsində saxlayır.
Üç dil JavaScript ilə dəyişir — güzəşt bilərəkdən edilib
Statik saytda dil düymə ilə dəyişir: istifadəçi üçün ani, əlavə səhifə yüklənməsi yoxdur. Bunun qiyməti odur ki, üç dil eyni ünvanda qalır və axtarış sistemləri onları ayrıca səhifə kimi indeksləmir. Bu layihənin ölçüsündə güzəşt məqbul idi — sayt təqdimat materialıdır, üzvi axtarış kanalı deyil. Çoxdilli SEO tələb olunsaydı, dil marşrut səviyyəsində ayrılmalı olardı.
Sayt 2025-ci ilin oktyabrından canlıdır. PageSpeed Insights ölçməsində performans mobildə 93, masaüstündə 99 baldır — çərçivəsiz, sadə HTML və CSS quruluşunun birbaşa nəticəsi.
Layihənizi danışaq — adətən eyni gün cavab verirəm.
Nurlan Qadirov — Baku, Azerbaijan